Radio, online – Festa demokrasia ba iha elisaun jeral besik ona, iha 2012. Hare ba iha area informasaun liu husi notisias sai importante tebes ba publiku. Bazeia ba ne’e Comisaun Nasional Eleisoens (CNE) ho Australian Electoral Comisison (AEC) organiza treinamentu ba jornalista wainhira atu halao kobertura iha tereinu konaba pereparasaun eleisaun ba publiku ho diak no tuir lolos.
Treinamentu ne’e durante semana ida nia laran hahu dia 4-11 de Juinu 2011, iha otel Ventura, Bidau. Iha treinamentu ne’e jornalista hamutuk 22 ne’ebe mai husi media emprime no elektroniku sira. treinamentu ne’e laos jornalista deit, partisipa mos sosiedade sivil no membru CNE.
Fasilitador husi CNE Jose Soares Fonseca, hare ba prekupasuan publiku sai importante hodi akompanha prosesu eleisaun. Dalan imporante mak media hanesan baze informasaun ba publiku.
Ho ida ne’e atu kobertura iha eleisaun nian jornalista sira mos presiza hetan informasaun konaba sistema eleisaun iha nasaun ne’e nian. Treinamentu ne’e laos atu halaon jornalista sira nia liberdade, maibe husi treinamentu ne’e mos fo informasaun ba jornalista hodi halo kobertura ho didiak. Purzemplu jornalista presiza hatene iha sentro votasaun hira iha nasaun ne’e iha eleisaun jeral. Nune’e mos fo sai informasaun ba jornalista konaba eleisaun lejislative no ezekutivu.
“Ami ita nia jornalista sei hato’o ba publiku ho buat los ba publiku tuir saida mak nia hatene no hare,”dehan Jose
Prekupasaun CNE nia mos iha area edukasaun sivika ba povu, tanba orsamento limitadu. Tuir lolos edukasaun sivika importante liu ba povo hodi iha koinesementu antes partsipa iha festa demokrasi ne’e
Patrick Satic husi AEC dehan, iha nasaun hotu-hotu wainhira atu halao elisaun nasaun barak mak hatene ona tanba liu husi media, ne’ebe hakarek husi jornalista.
Ho ida ne’e jornalista importante tebes atu fo sai ba publiku ho nasaun sira seluk katak, eleisaun ne’ebe sei halao iha 2012 ne’e livre ba ema hotu-hotu tuir dalan demokrasia nian.
Konaba iha edukasaun sivika ninian, Satic esplika konaba lalaok elisaun iha Austalia. Edukasaun sivika governu tau prioridade no sai korikulum iha eskola. Profesor primaria sira komesa hahu fo sai edukasaun sivika ba prosesu elisaun nian. Iha Australia sidadaun ne’ebe iha tinan sanolu resin hito, tenki tuir votasaun.
Diretor jeral CNE, Olavio da Costa Monteiro mos informa ba partisipante Prezidenti da Republika aprova ona lei konaba sidadaun Timor oan ne’e iha rai liur iha direito halo votasaun, iha nasaun ne’e sira hela.
Discussion about this post