Radio, online – Dansa Qizomba ala Cuba ne’ebe estudante medisina Timor oan sira halo iha nasaun Cuba estraga ona kultura Timor nian, ne’e duni husu ba governu tenki investiga.
Deputado husi Bankada CNRT Pedro da Costa ba jornalista, uma fukun PN Segunda, (27/6). Deputadu ne’e hatutan, presiza investiga dansa Qizomba ala Cuba ba estudante medisina mak halo video ne’e nune’e mos ema ne’ebe mak uploads iha internet.
“Estudante sira mak halo Qizomba ne’e no ema sira mak hatama iha internet ne’e estraga Timor nia naran. Dansa hanesan ne’e la normal no kontra kultura Timor,”Pedro lamenta.
Eis Deputadu PST ne’e hatutan, video dansa Qizomba ne’e ema barak mak konsumi ona. Iha uma fukun parlamentu barak mak kontra tamba ne’e husu ba governu presiza investiga tuir.
Iha fatin hanesan Deputado husi Bankada Fretilin Francisco Branco defende ba video dansa Qizomba ne’e. Tuir Branco dansa quizomba ne’e laos kestaun bo’ot, tamba ne’e governu tenke tau kestaun fundamental iha nasaun.
“Ita foti kestaun jeneralijadu no prostitusaun ba labraik sira, tamba tuir prekupasaun Fretilin katak banhira Governu foti kestaun Qizomba sei impede estudante sira nia estudo. Estudante sira ne’e Ai leba nia oan sira,”Branco kestiona.
Partido Fretilin husu atu lalika preopkupa ho dansa Qizomba tanba la fo valor diak ba ita nia nasaun. Husu ba governu ne’e diak liu tau kestaun bo’ot ba kazu korupsaun ne’ebe barak no iha prostitusaun ba labarik mak akontese dadaun ne’e.
Partido ASDT liu husi Domingos Mesquita lamenta tebes ba estudante sira halo Qizomba ne’e at liu fali. “Ita nhare Qizomba ne’e demais liu ona. Ita hare sai fali mallkriadu,”lamenta Mesquita.
Tuir Deputadu ne’e agora dadaun ne’e kuaze ema rihun ida resin mak asesu iha youtube . Husu ba Ministerio saude no Edukasaun tenki fo atensaun ba estudante sira liu- liu iha Cuba no fila ona.
“Hau hare dansa ne’e demais liu ona. Ba futuru ita espera lalika akontese tan,” Mesquita sujere.
Discussion about this post