Dili,Timornewsline,- Prezidente Partidu Fretilin, Francisco “Lu-Olo” Guterres hateten Governu Maioria Parlamentar (AMP) ukun tinan tolu ona, maibe seidauk halo buat ida no halo deit korupsaun; tamba ne’e nia partidu vota kontra orsamentu jeral ba tinan 2011.
“Tinan tolu ona tur iha poder, maibe sira la halo buat ida. Sira nia mandatu atu hotu no sira uza oportunidade hodi halo milagre korupsaun,” Dehan Lu-Olo.
Lu-olo hato’o lia hirak ne’e durante ninia diskursu iha konsolidasaun politika partidu nian iha Fatumeta semana kotuk.
Lu-Olo afirma katak Governu propoin orsamentu barak kada tinan, maibe laiha kapasidade nato’on hodi ezekuta.
Lu-Olo husu ba Governu atu halo revizaun ba proposta orsamentu refere no Fretilin rasik sei vota kontra nafatin. Josmel
Discussion about this post