Dili 01,12,2023– Fundasaun Pátria koopera ho Plan Internasional Timor-Leste (PITL), realiza atividade formasaun nu’udar parte integrada husi programa empoderamentu ba média, espesial liubá Radio lokál sira ho tema “Hakbi’it Rádio lokál ne’ebé kualidade iha parte jestaun Rekursu no oinsá halo advokasia ba jornalista Rádio Lokál sira”.
Tuir maneger programa Idalia Boavida hatete objetivu husi formasaun ne’e atu hakbi’it abilidade jornalista no jestores husi rádiu komunidade no rádiu lokál atu hasa’e koñesementu di’ak rekursu humanu nian oinsá hatene buka fundus ba Rádio.
“Atividade tulun jornalista media lokál oinsá halo proposta ba finanseiru, jestaun informasaun komersiál husi parte Governu inklui ajensia nasionál no internasionál liu husi kria programa radio ne’ebé sustantavél, edukativu, informativu liuliu haree ba asuntu Polítika, Ekonómia, Saúde, Edukasun, Sosiál no Kultura”, dehan Idalia ba Jornalista sira iha Salaun Hotel Tower Fatuhada Dili ,30/11/2023.
Entretantu data implementasaun durante fulan lima hahú husi jullu to novembru tinan ne’e halo ba aktores rádio lokál iha territoriu nasionál liu husi agrupamentu rejional hanesan Dili (inklui M.Atauro, M. Ainaro, M. Aileu ,RAEOA ho M.Dili ), Ainaro (inklui M.Same/Manufahi, M. Suai/ Covalima, M.Ainaro rasik), Liquiça (inklui M.Ermera, M. Maliana no Liquiça), Baucau (inklui M. Viqueque, M.Lospalos, M. Manatutu, M. Baucau rasik)
Safeguarding focalpoint ba asuntu labarik iha Plan Internasiónal Denilson Guimarães hanesan mós fasilitador hatete, treinamentu ne’e importante los ba jornalista rádio lokál sira atu bele aumenta kapasidade jornalista sira nian iha area kobertura no importante mós ba jestora/o sira oinsá mak atu jere rekursu umanu jornalista iha instituisaun hodi halo kobertura ba asuntu politíku, ekonómia, edukasaun, sosiál.
“Papel média importante los tanba ne’e ami fasilita treinamentu sira ne’e atu nune’e jornalista uja termologia ne’ebé mak justu ba ema ho difisénsia hodi promove linguajen ne’ebé diak ba komunidade sira liu husi média rádio lokál sira” dehan Denilson.
Partsipante Efifania dos Santos hatete nia kontentetuir formasaun ne’e tanba relasiona tebes ba nia servisu hanesan jestora programa iha Radio Defisensia hodi bele kria parseiru sira iha Radio refere.
“Ha’u apresia tebes ba Fundasaun Pátria nia programa treinamentu ba loron rua nian ne’e tanba relasiona tebes ho ami nia servisu hanesan maneger progrma no staff jornalista sira atu aumenta ami nia kapasidade iha hakerek nótisia ne’ebé dignu ba ema hotu” dehan Efifania.
Iha formasaun refere suporta husi parseiru advokasia Fundasaun Pátria nian mak CI, PITL, prezidente feto Asosiasaun husi munisipio haat (4), no FP servisu hamutuk ho konsorsiu lima seluk hanesan ADTL, BELUN, JPIC, MOFFE no CAUCUS no projetu ne’e hetan apoiu finanseirus husi UNIAUN EUROPEIA,
Partisipante iha formasaun ne’e mai husi aktores rádio lokál iha rejiuan I no III kompostu husi Munisipiu Aileu, Ataur, Dili, RAEOA, Bobonaro, Ermera, ho total rádio lokál 12 no total partisipante 25 kompostu husi feto no mane.
Jornalista : Natalia de Araújo & Julianti Saldanha
Editor : Jonas
Discussion about this post