Dili ,11-07-2023– Bazeia ba relatoriu peskiza primaria no sekundaria iha 2022 no 2023 Fundasaun Mahein hare’e katak instabilidade no risku iha rai laran la’os de’it husi Grupu Arte Marsiais no Rituais.
Diretor Ezekutivu atual Fundasaun Mahein Nelson Belo hateten problema polemika instabilidade públiku iha Timor-Leste rezulta fator oi-oin liu-liu istória konflitu pasadu, kompetesaun entre elite politika sira, instituisaun ne’ebé fraku, no failansu iha prosesu harii estadu.
“Rezultadu xave ida husi peskiza ne’e, maske ami hare’e liga ho atividade GAMR validu, liu-liu GAMR nia kontribuisaun ba Violénsia dezorden no instabilidade, risku sira ne’e la’os de’it GAMR, kria ka envolve iha laran, maibe risku ne’e mai husi fontes oi-oin”, haktuir Nelson liu husu konferensia impreza iha nia servisu fatin Fundasaun Mahein Bairo dos Grilos, (11/07/2023).
Tuir Belo GAMR nia risku ba seguransa no esbalidade ki’ik liu kompara ho korupsaun no pobreza i Violénsia kumunal akontese beibeik iha Timor-Leste dala barak la envolve GAMR, nune’e mós dala barak rezulta husi problema individou sira.
“Dalabarak konflitu mosu husi individou depois sai bo’ot bainhira membru GAMR seluk tama hodi defende sira nia malukdepois sa’e problema boot bainhira membru GAMR seluk tama hodi defende sira nia maluk no iha ezemplu seluk mak iha tempu instabilibade politíku iha pasadu, GAMR sira komete duni Violénsia, maibe la’os GAMR ne’ebé mak inisia instabilidade”, Tenik Belo
Observasaun seluk Fundasaun Mahein nian ne’ebé suporta konkluzaun relatoriu liga ba elisaun parlamentar 2023 ne’e mak, maske membru GAMR barak partisipa iha kampana, Violénsia envolve GAMR la iha.
FM hakarak konklui hela ba relatoriu ne’e nia intensaun la’os atu nega risku husi GAMR nia atividade ba orden publiku no estabilidade, FM hakarak deit aumenta konesementu publiku konba GAMR nia papel iha komunidade no kultura politka Timor -Leste nian.
“Bazeia ba peskiza ne’e FM fo rekomendasaun ba públiku katak, politika nain sira tenke rekonese GAMR nia potensial atu sai autor ba paz no sesrvisu hamutuk ho organizasaun sosiedade sivil sra hodi estabelese dialógu regular envolve GAMR, autoridade lokál, ofisiál seguransa ho kumunidade sira”, nia rekomenda.
Antes ne’e Diretor Sesante Fundasaun Mahein Abel Amaral fo Apresia no parabens ba organizasaun Arte marsiais no Rituis sira nia maturidade no kontribui ba paz no estabilidade durante festa demokrásia iha periodu kampaña no Elisaun parlamentar 2023 to’o forma governu foun konstituisional da-sia.
Jornalista : Nazya
Editor : Jonas
Discussion about this post