Radio, online – Re-kandidatura Prezidenti da Republika Jose Ramos Horta dehan katak, nia sei la halo kampanha tama sai distritu, maibe rekursu antes tama ba votasaun.
“Hau sei la halo kampanha ba distrito hotu-hotu, maibe hau sei halo deit rekursu ida antes besik tama ba loron votasaun,” dehan Horta ba jornalista sira iha Igreija Motael Tersa, (31/1).
Prezidente da Republika, Jose Ramos Horta ohin (31/1) deside ona atu re-kandidata an ba elisaun prezidensial iha loron 17 Marsu mai ne’e.
Desizaun ne’e Horta foti bainhira nia hamutuk ho autoridade lokal no reprejentate husi distrito sanulu resin tolu hodi prepara lista ba kandidatura iha tinan 2012 -2017.
“See povu sira nafatin hili ha’u hanesan Xefi do estado iha tinan lima ba oin etaun planu no estratejia atu halo ba povu, hau sei esplika ba povu antes de votasaun,” Horta hateten.
Horta afirma katak, nia kandidata an ba elisaun presidensial mai ne’e, maibe sei la halo kampaina politiku iha distritu hothotu.
“Ohin loron dia 31 ha’u fo sai ba Timor oan tomak katak hau mos rejista ba kandidatura presidenti tinan 2012 ate 2017.”
Horta mos konsedera ba kandidatu sira seluk hanesan Taur Matan Ruak no Francisco Guterres Lu-olo. Sira nain rua heroi ne’ebe terus iha ai laran durante tinan rua nulu resin hat nia laran iha ailaran.
Horta nudar lauredau nobel da paz bainhira luta ba libtertasaun nasional Timor-Leste nian iha rai liur. Sai Prezidente da republika iha 2007 bainhira manan maioria iha elisaun prezidensial halakon ninia kom-patriota, Francisco Lu-Olo Guterres iha segundu ronde.
Discussion about this post