Radio ,Online – Governu Brazil kopera hamutuk ho Sekertaria Estadu Formasaun Prefessional Empregu (SEFOPE) iha programa fo kapasitasaun ba negosante ki’ik hodi haklean liutan koinesementu iha promove ekonomia kreativa.
Kapasitasaun ne’e liu husi workshop loron rua dia 24-25 Janeiro iha salaun treinamentu SEFOPE Kaikoli, Dili. kapasitasaun ne’e mos kopera hamutuk ho Ministeiru Turismu Comersio Indutria (MTCI), Camara Comersio Industria–TL, Ministeiru Ekonomia Dezenvolvimentu (MED) no sosiedade sivil mak hola parte iha area ekonomia nian.
Responsabel ba observatoriu merkadu nasional, Bernadete Gomes iha formasaun ne’e dehan, workshop loron rua ne’e koalia konaba aktividade ekonomia kreartiva, oinsa hamosu kretividade kliente sira iha area ekonomia
“Husu ba governo atu iha programa kapasitasaun nafatin ba negosiante sira, nune’e mos governu tenki fo oportunidade ba grupo negosiu ki’ik sira hodi kuinesimentu klean iha vida ekonomia,”dehan Bernadete.
Iha fatin hanesan Diretor Geral SEFOPE, Jacinto Barros Gusmao, programa kapasitasaun ne’e kontinuasaun husi SEFOPE ho nia programa ho naran Fundu Empregu Formasaun Profesional.
Iha programa kapasitasaun ne’e koalia mos konaba programa ho naran, hatene ita nia negosiu. Programa ne’e importante tebes atu negosiante sira hahu negosiu no liu husi negosiu atu hetan saida.
Discussion about this post