Radio, online – Prezidenti partido historiku FRETILIN Francisco Guterres alias Lu Olo liu husi konferensia hodi fo sai ofisialmente atu kandidata-an ba Prezidente da Republika peridou 2012-2017.
“Hau nia kandidata ne’e atu ba Prezidenti Republika sai hanesan prezidenti ba povu maubere tomak ne’ebe mak terus nain no buka haka’as an atu hasai povu husi mukit,”dehan Lu-Olo iha Comitte Fentral FRETILIN (13/1) foin lalais ne’e.
Prezidenti FRETILIN ne’e hatutan, iha tempu badak nia sei aprejenta nia kandidatura ba Presidente da Republika tuir lei ne’ebe vigora tia ona liu husi Komisaun Nasional Elisaun nian.
Liu husi kandidata an ne’e, Lu-Olo sei intrega ninia kargu nudar Prezidenti partido ba Sekertario geral Mari Alkatiri,
“Hau nia kandidata husi partido maibe hau sai prezidenti ba povu tomak tamba FRETLIN hatudu ona iha tempu resistensia,’dehan Lu-Olo.
Tuir Lu-Olo iha eleisaun mai presiza tebes hametin demokrasia no buka atu hametin soberania povu no estadu.
Hau “mak sai Xefi estadu respeita ba kontitusaun oin-oin no respeita mekanismu tribunal sira nian no hari justisa,”Lu-Olo akrsenta.
Agora dadaun kandidatu sira mak atu kompete ih kadeira Prezidenti da Republika mak hanesan Taur Matan Ruak, Abilio de Araujo, Lu-Olo, Rogerio Lobato, Angela Freitas, Manuel Tilaman, Fernando Lasama de Araujo, Jose Ramos Horta, iha biban Jose Luis sei deklara ninia kandidatura.
Discussion about this post