Radio, online – Diretor Geral Ministerio Ekonomia Dezenvolvimentu (MED) hanesan mos Sekertariu Geral partido PSD , Marito Magno ofisial hato’o ninia rejigna-an husi Diretor Geral tanba tuir orientasaun Premeiru Ministru Kay Rala Xanana Gusmao.
“Razaun hau nia rejignasaun hodi kumpri ba Premeiru Ministru nia orientasaun nune’e mos Fungsaun Publiku nia nia orientasaun hodi hau sai husi kargu ne’e,”dehan Marito ba jornalista iha edisfiu MED, Fomentu, Dili Kuarta, (11/1).
Tuir Marito los dunia iha lei Fungsaun Publiku sei bandu partisipasaun fungsionariu publiku e ajente administrasaun publiku iha atividade politiku e partidaria.
Nia hatutan katak, senti ladun diak servisu kahur malu aktividades partidu ho administrasaun publiku, ne’e mos la diak. Ne’e duni nia hili rejigna-an hodi konsentra liu deit ba partidu politiku, hanesan Sekertariu Geral partidu PSD ne’ebe importante tebes ba partidu para aban bainrua hasoru elisaun bele halo preparasaun ne’ebe diak liu tan.
Discussion about this post