Radio, online – Timor Leste halao dala rua ona halao eleisaun geral maibe hetan dezafiu barak konaba seguransa. Bazeia ba esperensia iha futuru no tinan ne’e tama ba eleisaun geral ba dala tolu instiuisaun estadu F-FDTL-PNTL halo refleksaun hodi firme halao garante paz, dame no estabilidade.
Major General F-FDTL Lere Anan Timor iha salaun Sentru Convensaun Dili (5/1) dehan katak, iha tinan ne’e ema hotu hatene katak povu Timor sei halao festa demokrasia liu husi eleisaun hodi Prezidenti da Republika no eleisaun ba partido hodi forma governu. Lere dehan iha eleisaun ne’e see iha ema ruma hakarak dramatiza no esplora situasaun F-FDTL ho PNTL sei responde.
General fitun rua ne’e hatutan, koperasaun enter F-FDTL-PNTL para Garantir a seguransa do pais nas eleicoes gerais de 2012 dehan katak, Timor Leste tenke halao eleisaun tamba dala tolu.
Lere konfesa katak, iha eleisaun ne’e mak mosu problema ema estranjeiru mak iha kotuk, tamba ema estranjeiru la hakmatek ba Timor nia riku soin tamba ne’e airin rua estadu nian tenke tuba rai metin.
“ONU atu retira nia misaun iha 2012 ida ne’e mak dezafiu bo’ot ba ita. Hanesan informasaun deit ita la akuja ema ruma dehak katak male balun husi kotuk hakarak hanaruk ONU nia misaun. Ita nia nasaun nia distino ita mak termina, maibe maibe dala ruma ita nia kondisaun ema seluk bele determina fali. Mai ita hotu tenki halo refleksaun hodi disidi distinu ita nia nasaun ne’e,”Lere komenta.
Iha fatin hanesan Sekretario estado da seguransa Francisco Guterres informa instituisaun rua ne’e iha papel importante tebes hodi hatur estabilidade iha nasaun ne’e.
“Povu mak ita nia mata dalan tamba ne’e ita tenke involve povu tomak atu hametin estabilidade iha ita nia rai,”Francisco apela.
Nune’e mos Sekertariu Estadu Defeza, Julio Tomas Pinto dehan, ““ Iha 2010 ita la iha konflitu tamba PNTL-F-DTL hamutuk hapara konflitu tamba ne’e ita tenke agradese no ida ne’e esperesia diak ba instituisaun rua ne’e”.
Discussion about this post