Radio, online – Komisariu UNPol Luis Carilho dehan, suspeitu husi membru UNPol ne’ebe mak iha soke mate Timor oan iha bairo Aitarak Laran no Matadoru oras ne’e halao hela investigasaun hodi hasoru justisa, iha suspeitu nia rain.
Komisairu hato’o asuntu ne’e iha Quartel Geral PNTL Kaikoli, Dili Tersa, (13/12). Carilho hatutan, los duni, iha semana hirak ne’e nia laran ninia membru UNPol soke mate timor oan hamutuk nain ha’at.
“Ami informa ona kazu ne’e ba Prokurador Geral, tamba investigasun agora halao dadaun. Suspeitu sira sei hasoru tribunal iha sira nia rai. Ema hotu iha lei nia okos,”Carilho konfesa.
Tuir lei membru ONU mak halo krimi iha TL, lei RDTL nian sei la kondena. Suspeitu sira sei haruka fila ba sira nia rai hodi halao prosesu justisa. Alende ne’e suspeitu sei la kontinua misaun ONU nian iha nasaun sira seluk.
Discussion about this post