Radio, online – Nominal osan ne’ebe tuir lolos bele fasilita servisu Ministeiru Agrikultura Floresta no Peskas (MAFP) iha U$ 146.950 miliaun sei karik OGE ida ne’e U$ 1.763,4 miliaun. Tanba sosiedade sivil Farming Study Group (FSG) rekomenda iha tinan kotuk 12% husi total OGE 2012.
Nomimal ne’ebe FSG rekomenda bele atende nesesidade komunidade maioria 85% iha rai pedasuk ida ne’e. Sei karik ita lakoi osan povu nian ne’e gasta ho klaru.
“FSG hanesan NGO ida ne’ebe monitorizsaun kona ba agrikultures hanoin katak tinan oin no ohin laiha diferensia kona ba prioridade ba implementasaun programa guvernu hanesan ita hateke ba planu nasional ba OGE 2012 ida neoe. Hanesan ita hatene,”dehan Responsavel Jeral FSG Remigio Laka Vieira ba radioliberdadedili.com Kuarta, (16/11) iha Kolmera, Dili.
Responsavel Geral ne’e hatutan, katak, OGE 2012 iha U$1.763,4 Miliaun maibe aloka ba Programa Agrikultura nian iha deit 15,904 Miliaun Dolares amerika. Ida ne’e FSG konsidera hanesan traisaun ida.
Remigio reafirma, hanesan sosiedade sivil ida ne’ebe luta ba direito ekonomia sosial ba Agrikultores ida neoe senti katak iha parte ida nebe hanesan violasaun de diretor agrikultores. Tanba ita hatene katak komunidade maioria iha timor leste moris hanesan vida agrikultura
Katak nia, FSG konsidera governu falha total ba dezenvolvimentu humanu ida Ne’e. Tanba FSG mos konsidera iha parte programa agrikultura no agrikultores mak fatin produktivu direita ba komunidade iha rai pedasuk. Tanba neoe ami nia rekomendasaun la ses nafatin iha tinan 2009 no 2010 katak diak liu hasae no kria lei ida kona ba necesidade baziku ida neoe iha futuru hanesan
Sosiedade sivil ne’e hatutan liu tan katak,alokasaun OGE ba programa agrikultura minimu liu 12% husi total OGE kada tinan. Nebe ami hatooo ona ba iha PN komisaun D iha tinan ikus 2010, no 2009 liu ba. Tanba nee se ministeriu hirak nebe atu halao planu karik presija konsidera ida nee. Maibe labele hare katak problema iha MAFP nia laran hodi haluha povu maioria mak moris iha agrikultores.
FSG hanoin katak atu dezenvolve rai ida ne’e presiza liu husi fatin produktivu laos husik fali programa produktivu sai fali kreditu. At liu mak MAFP obriga komunidade iha baze halo fali kreditu ba banku, tanba governu la fo prioridade ba aktividade maibe orienta ba planu ho problema bo’ot iha futuru.
Discussion about this post