Radio, online – Search for Common Ground (SFCG) serrvisu hamutuk ho Timor Leste Media Development Centre (TLMDC), Belun, no CNJTL halo lansamento ba programa drama Radio Hari’i Dame ho topiku Karau Dikur ba Dame.
Lansamentu Sekertario Estado Promosaun Igualdade Idelta Maria Rodrigues Sesta, (9/11) iha salaun linguistika Liseu hateten katak, media nia papel importantes ba kontribui dezenvolimentu pais ida ne’e.
“Ita hotu hatene katak media iha papel importante maibe presija mos fo informasaun ba populasaun ne’ebe los, kredibel no balansu,” Idelta apela.
Tuir Idelta media iha fator rua mak hanesan kria paz liu husi informasaun ida ke los maibe fo informasaun ida lalos bele kria instabilidade iha rai laran.Tamba ne’e SEPI husu ba media atu fo informasaun tuir realidade iha Timor leste.
“Ita hatete katak karau dikur ita bainbain halo feto san ou mane iha ita nia lisan, ita lori ida ne’e hodi hametin unidade enter familia ida ba familia seluk tamba ne’e tema nebe’e ho karau dikur lian ne’e la seluk la let ita mesak Timor oan rasik,”nia akresenta.
Idelta informa tan katak durante ne’e Timor leste Media development Center (TLMDC) halo serbisu diak tebes ho SEPI halo formasaun liu husi radio komuniade iha 13 distritu importate tebes katak iha tinan oin ita sei hasoru elisaun parlamentar no prejidensial tamba ne’e Media nia papel iporate tebes atu hatene saida mak Governo ida ne’e halo atu bele fo dame pas estabiliadde ba propriedade ba povo timor leste tomak.
Country Director SFCG Jose Vicente de Sousa loiu husi intervista hateten, SFCG laos organizasaun media nian, maibe organizasaun foka liu ba trasformasaun konflito no hari dame.
“Ami uza media ne’e hanesan meus ida tamba media iha distritu hotu mesmo radio komuniade iha distritu la’o ladun diak. Tamba ne’e ita nia resposabilidade atu foti fali media ne’e iha nia fatin hodi for sai informasaun ho justu tamba ne’e ami iha plano ida atu onsa atu bele suporta nafatin ba radio kumuniade atu bele hambrik nafatin,”Jose informa.
Lansamentu karau dikur ba dame ne’e lansa direitamente husi sekertaria estado promosaun igualdade Idelta Maria Rodrigues hetan suporta finanseiru husi USAID.
Discussion about this post