Radio, online – Sosiedade sivil atende asuntu justisa hanesan Program Monitorizasaun Sistem Judisial,(JSMP) hamutuk ho Amnesty Internasional, Asosiasaun Vitima Nasional, ICTJ, ANTI, Asosiasaun Hak, Lao Hamutuk, Komite 12 Novembru ho STP organiza seminariu nasional ho topiku Justisa no akuntabilidade ba Krimi pasadu ne’ebe. Sosiedade sivil ba justisa ne’e husu ba estadu atu implementa rekomendasaun CAVR no CVA hodi atende ba vitima husi krimi graves iha pasadu.
Seminar ne’e halao iha Salaun Delta Nova Kuarta, (9/11). Director Exekutivu JSMP Luis Oliveira Sampaio iha nia palestra hateten, objetivu husi seminariu nasional ne’e atu halo revisaun kona ba situasaun ba prosesu justisa ho impunidade, inklui avaliasaun kona ba mekanismo CAVR no CVA relasionas ho situasaun preparasaun ba vitima krimi pasadu no ema lakon, inklui analiza rezultadu prosesu UPR kona ba asuntu justisa no krimi pasadu hodi enkoraja ba governu Timor Leste hodi hare tuir rekomendasaun sira husi sosiedade silvil.
Ohin loron ho hondra bo’ot ba JSMP hamutuk ho membru steetring committee sira seluk haksolok tanba bele organiza eventu importante ida ne’ebe konvida autor importante no Xefi sira hodi hanoin hikas fali saida mak halo ona saida mak presiza atu halo, relasiona ho justisa no akuntabilidade ba krimi pasadu sira.
Luis Oliveira Sampaio hateten katak, Seminariu ida ne’e sei foka ba importansia justisa ba krimi grave pasadu sira iha TL.
“Ita sei hare pozisaun husi kada individu ka instituisaun sira ne’ebe sei hato’o sira nia hanoin prespektiva ba observasaun visaun konaba justisa no akontabilidade ba krimi pasadu nian,”nia afirma.
Luis salienta liu tan katak, maske relatoriu komisaun rua CAVR no CVA deskobre no rekonhese katak akontese violasasei kontinua pendente iha PN.
Tamba ne’e seminar ida ne’e sa nudar forum importante ba ita hotu fo tempu ba loron ohin hodi tur hamutuk no hanoin fali saida mak it abele halo no atu hare hikas fila fali estrategia no esforsu saida mak ita halo atu hatan ba violasaun direitus umanaus iha pasadu.
Iha parte seluk Koordenador exekutivu asosisaun vitima Jose Luis Oliveira dehan, vitima violasaun direitu humanus pasadu konflito 1974-1999 ninia vitima babain barak mak kontinua terus.Vitima violasaun barak mak governu seidauk resolve to’o ohin loron .
Seminariu Internasional ne’e hetan partisipa husi Reprezentante Igreja, Pe. Martinho Gusmao koordenador sekretariu eszekutivu asosiasaun Vitima ,Eis Major General F-FDTL Taur Matan Ruak,membru Parlamentu Nasional,Vice Ministra Justisa,Soseisdade Sivil ,NGO Nasional No Internasional.
Discussion about this post