Radio online – Durante ne’e labarik minoridades barak mak sai vitima tanba kondisaun ekonomia iha uma laran fraku tebes, hodi obriga labarik sira tenki ba buka osan iha fatin-fatin sidade Dili laran no iha distritu sira.
Hodi redus ba kondisaun labarik sira nian sosieade sivil Forum Komunikasaun Juventude Oratorio Don Bosco husu ba governu atu aprova lalais lei ba labarik. Seminariu ne’e halao iha Salaun Don Bosco Tersa foin lalais ne’e
Diretor exekutivu CJ Don Bosco, Cipriano Pereira hatetten, durante ne’e labarik maioria iha Timor Leste barak mak sai vitima ba ema bo’ot, tamba ne’e mak hetan violasaun domestika husi ema bo’t no impaktu husi ekonomia uma laran.
“Ami hare inan-aman sira fo sasan ba labarik sira fa’an iha merkado hodi la ba eskola, ezemplo mak iha kapital Dili. Iha distritu ne’e at liu tan no inan aman mos dala barak baku wainira labarik sira halo sala ruma i dala ruma sira la sala mos inan aman baku, tamba ekonomia uma laran labarik sira mak tenki simu konsekuensia,”Cipriano afirma
Iha fatin seluk Prezidenti Komisaun A trata asuntu lei Fernanda Borges rekoinese duni tratasaun labarik iha nasaun ne’e husi inan-aman no estadu seidauk garantia labarik sira nia vida.
Konaba lei ba labarik sira nian, Prezidenti PUN ne’e hateten, lei ba labarik ne’e importante atu asegura la barik sira nia direito. Komisaun A hein katak ministra Justisa sei lori lei ne’e ba iha Komisaun A no bele halo diskusaun iha Parlamentu Nasional hodi aprova.
Fernanda mos husu ba governu tenke serbisu hamutuk ministeri sira ne’ebe hare ba direito humanus no Sosiedade sivil ne’ebe serbisu barak iha area labarik nian, hodi halo komparasaun la barik sira iha Timor Leste ho nasaun seluk .
“Lei labarik sei lori mai, ami sei halo diskusaun iha Plenaria atu labarik sira bele moris ho dignidade nudar humanu,”Fernanda komenta.
Komisaria Nasional Direito ba labarik, Adalgiza Ximenes iha nia servisu fatin husu ba Ministeriu justisa kria ona lei kodiku labolaral konaba kriansas ne’ebe agora iha ona konseilo ministru. Fiar katak iha tempu badak bele lori ona ba Parlamento Nasional.
“Lei kriansas ne’e hodi responde ba prekupasaun labarik nia hotu atu ema bo’ot la lika halo violasaun hasoru sira. Lei ne’e bando labarik sira sigaru,”nia konfesa.
Discussion about this post