Radio, online – Hametin unidade , Uniao Nasional Dos Escuteirus de Timor Leste (UNE-TL) realiza asembleia geral ba daruak hodi hili estrutura foun 2011-2014. Asembleia geral ne’e halao iha salaun SKB Vilaverde Dili durante loron rua nia laran iha dia 23-24 Setembru 2011.
Iha palestra hodi loke diskusaun, eis Komisarius Internasiona UNE-TL Filomena Reis hateten, objectivo asembleia geral ne’e atu hili dirasaun nasional foun ne’ebe atu tur iha konselho nasional durante 2011-2014, hodi troka dirasaun nasional 2005-2008.
Tuir estatuta strutura nia knar tenki tolu, maibe ho krizi ne’ebe mosu halo dirasaun nasional ninia servisu labele lao tuir nia kalendariu. Ho razaun ida ne’e UNE-TL ho hanoin ida hodi hasai fila fali asembleia geral ba daruak nian.
Filomena Reis hatutan tan katak, escuteiros hanesan fatin ida ne’ebe mak sira bele aprende atu sai lider ida ne’ebe diak ho fatin ne’ebe deit. Ema sira mak hamahan-an iha UNE-TL mai husi instituisaun estadu nian nomos NGO sira.
Komisaun organizadora, Angelino Melo da Costa reafirma, aktividade ne’e halao tamba suporta husi Sekertario Estadu Juventude Desportu ho total osamentu 2,089,750. Liu husi aktividade ne’e UNE-TL hakarak husu ba governo atu tau matan nafatin, ba tinan sanulu mai wainhira UNE-TL prontu lao mesak ona.
Orsamentu sira ne’e sira hodi halao aktividade ne’ebe iha hanesan asembleia geral, logistika, akomendasaun, media dokumentasaun, nomos ba finansas.
Emiliana M. Fernandes reprejentante husi agrupamento emaus, Igreija Santo Antonio Motael, Dili nia sente kontente tamba liu husi aktividade ne’e hodi rekolha hamutuk fali agrupamento iha fatin ida atu bele hili no hari’I fila fali estruktura foun ba UNE-TL hodi hafoun fali ba iha futuru ne’ebe diak.
Filomena Reis hatutan liu tan katak kriteria ba kandidato tenke ema timor oan ne’ebe hela iha Dili, la involve iha krime no partido. Tuir escuteiro sempre lao ho nia lei no nia prinsipiu,lei sanulu ho prinsipiu tolu ne’ebe mak sira iha.
Partisipantes mak tuir asembleia husi Distritu 12, Distritu Manufahi mak la marka prezensa.
Discussion about this post