Radio online – Sikilista feto Timor oan, Francelina Marques Cabral iha tour de Timor foin lalais ne’e raut medalia osan mean ha’at (4), kategoria siklista feto nasional. Hahu husi dirasaun Dili-Laclubar, Laklubar-Beacu, Beacu-Iliomar, Iliomar-Com.
Iha intervista radioliberdadeonlie ho siklista Francelina iha final (19/8) foin lalais ne’e hateten, iha area desportu husu ba maluk feto labele lakon, liliu iha area desportiva halai bisikleta.
Durante halao tour de Timor Francelina sempre hetan primeiru lugar ne’ebe implementa ba dala tolu.
“Hau husu ba se’e deit mai sai Prezidenti da Republika iha eleisaun 2012 mai tenki nafatin kontinua saida mak PR Horta halao dadaun ona ne’e. Tanba desportu ne’e ho nia tema “Dahe Hahu husi hau”,”dehan Francelina.
Alende ne’e mos Francelina husu ba governu liu husi Sekertario Estadu Juventude Desportu implementa halai bisikleta entre Timor oan. Involve feto ho mane, hodi nune’e bele hetan ema ne’ebe mak sai klasifikasaun diak liu.
Siklista husi Distritu Lautem ne’e, husu ba estatadu tenke kria kondisaun ne’ebe diak ba siklista sira. hanesan akomodasaun, no material bisikleta nomos hadia estrada.
Iha fatin hanesan Kirsty Sword Gusmão husu ba governu atu fo korazen ba feto sira mos hola parte iha desportu bisikleta ne’e.
“Hau hanoin importnte governu bele kria kondisaun ba ema hotu liu-liu ba feto sira para sira mos bele partisipa makas iha area desportiva.
Dili Rai Tetuk Diak Liu Funsionariopubliku Sae Bisikleta
Prezidenti Repuiblika Jose Ramos Horta ne’ebe mak sai fundador ba tour de Timor ho desportu Marathona hatete, nasaun Timor Leste rai tetuk barak, diak liu funsionario publiku sae deit bisikaleta ba serbisu hodi saude saudavel nafatin. Alende ne’e mos bele poupa orsamentu estadu nian ba transporte no gazolina.
“Hau seujre diak funsionairu iha Dili laran sae deit bisikleta, tanba hola parte mos ba saude. Bele hamenus sigaru ten,”dehan PR Horta Jornalista iha finan tour de Timor.
PR Horta dehan sai katak, nasaun ne’ebe bokur primeiru iha mundu nasaun Australia no segundo mak nasaun Estadu Unidos da Amerika. Nasaun hirak ne’e avansadu los, buat hotu iha maibe ema sira hakarak sae bisikleta, tamba saude ne’e importante liu duke buka osan.
Tuir PR Horta Tour de Timor ho Dili Maratona ne’e fo aspirasaun ba Timor oan atu halo ejersisiu para nasaun ne’e ninia ema sai saude diak.
PR Horta mos kontenti ho Tour de Timor ne’e partisipa mos alejadu mane ida. “Hau senti konteti tamba ale jado mos involeve ditreita involve iha Tuor De Timor,”Horta apresia.
Objetivu organiza tout de Timor ne’e, meus Timor oan hatudu ba mundu hotu dehan “dame hau husi hau”.
Tour de Timor ba tinan ne’e hahu husi Kapital Dili ba iha parte Leste nian hanesan, Manatuto, Viqueque, Lospalos no Baucau. Tuir planu ba tinan oin 2012 tour de Timor ne’e sei hahu husi Dili ba to’o Kupang, mai fali Oecusse no ikus mai iha Dili.
Discussion about this post