Radio, online – Atu promove direitu ba edukasaun no hasae publiku nia konsiensia kona ba lei Internasional no direitus humanus Timor Leste Media Development Centre (TLMDC) organiza treinamentu hasae kapasidade ba jornalista Timor oan iha area diretus humanus.
Diretor TLMDC Francisco da Silva Gari iha nia abertura Segunda (22/8) hateten, profesional midia nian iha papel importante iha kolekta, verifika, produs no distribui informasaun ba iha publiku. Nu’udar jornalista tenki iha komprensun ba iha kuadru legal nasional no internasional nian.
Tuir Gari koinesementu ba iha asuntu Direitu emar nian no standar internasional, abilidade atu komunika informasaun komplexu liu husi dalan informa no dokumentasaun. Nune’e sei kontribui atu hasae konsensia ba kuadrus legais ne’ebe eziste.
Ho biban ne’e TLMDC hanesan instituisaun midia iha nasaun ne’e kompremetida hodi dezenvolve midia iha rai ne’e. Senti urjente hodi halao treinamentu ne’e.
Programa ba treinamentu ne’e hetan apoiu finanseiru husi UNESCO iha TL. Treinamentu ne’e sei involve editor husi midia sira mak ejisti iha nasaun ne’e nomos manajer radio komunidade iha 12 distritu. Treinamentu ne’e halao durante loron lima nia laran (22-26 Agostu 2011) iha otel Exelcior Resort, pantai kelapa, Dili.
Diretor TLMDC ne’e hatutan, objetivu husi treinamentu ne’e, promove direitu ba edukasaun no hasae publiku nia konsensia konaba lei internasional no direitus husi reportazen jornalista iha tereinu.
Progaram Manajer The Asia Foundation Hugo Fernandez nudar mos jornalista senior hanesan orador iha treinamentu ne’e haktuir, jornalista presiza nafatin hetan kapasitasaun liu husi treinamentu hanesan ne’e atu nune’e jornalista sira bele iha kunhesementu kona ba asuntu direitus humanus.
“Jornalista sira ladun iha kunhesemntu ida ne’ebe mak sufsienti kona ba asuntu sira ne’e husi baze legal. La koko atu liga asuntu ne’ebe ba standarte internasional kona ba direitu humanus.
Lei direitus humanus Ita nia iha ona. Hau hanoin esforsu mai husi jornalista presiza tebes treinamentu barak liu atu fo kunhesementu klean liu kona ba asuntu edukasaun,”nia informa.
Discussion about this post