Radio, online – Situasaun politika komesa sae, tanba hare ba Planu Estratejiku Dezenvolvimentu Nasional (PEDN) ne’ebe trasa husi Prezidenti partido CNRT halo militantes ho kuadru politiku husi partido Fretilin, PSD, PD, Undertim, PUN, no ASDT afila ba partido CNRT.
Serimonia afilia ne’e halao iha eskola Primaria Xina, Bairo Girilhos Tersa, (16/8). Militantes ho kuadrus politiku husi partido Ne’en ne’e hamutuk kauze rihun nen atus hitu, hitu nolu resin lima (6.775). Maioria foin sa’e sira.
Militante Partido Fretilin Teofilo Sarmento Ximenes nebe’e afilia ba CNRT hateten katak, afilia ba CNRT ne’e ho hanoin rasik la iha ema mak obriga. Afilia ne’e tanba hare ba figura Xanana ne’ebe bele lori nasaun Timor Leste ho povu ne’e sai diak iha futuru.
“Hare ba Plano Estratejiko Nasional ne’e ami halo ami ba hamutuk ho Maun Bo’ot Xanana hodi apoia ba realiza mehi ne’e. Mehi ne’ebe hanesan iha luta ba ukun-an no agora mehi hamutuk ho Xanana ba dezenvolvimentu nasaun ho povu ida ne’e,” Teofilo komenta.
Tuir Teofilo durante Xanana nudar premeiru Ministru iha dezenvolvimentu barak mak lao ona, maske seidauk perfeitu. Dalan atu diak liutan ne’e mak ami mai hamutuk ho lider resistensia ne’e.
“Ami mai ema ida la obriga, tamba ami hare figura nebe’e iha CNRT ne’e bele lori nasaun ne’e ba oin, ” Nia konfesa
Iha fatin Vice prezidenti Partido CNRT Domingas Alves alias “Biloi Mali” senti kontente ho militante no kuadrus politiku partido ne’en ne’ebe afilia mai CNRT.
Biloi Mali hatutan, CNRT ho Fretilin ne’e la seluk la le’et, tamba iha prosesu rezistesia Fretilin mak hahu prosesu, CNRT mak hatu’ur independensia, CNRT hatutan husi Fretilin. CNRT
“Hau nia fizaun katak sira mai ne’e tamba PEDN, ne’e karik sira gosta no senti katak diak ba sira. Sira mai ami simu ho liman rau karik sira hare katak buat balun iha sira nia partido mak ladiak no la ho demokrasia karik bele fila ba partido seluk” dehan Biloi.
Discussion about this post