Radio, online – Hare ba numeru forsa armadas F-FDTL aumenta, Komando F-FDTL liu husi orsamentu estadu loke tan uma ba ejinaria, logistiku no aulas ba programa kursu lian Ingles. Iha uma hitu (7) mak koloka ba area importante hirak ne’e. Uma hitu ne’e hari Metinaru.
Iha serimonia inagura Kuarta, (3/8) hodi entrega ba Komando F-FDTL asisti direita husi Major General Taur Matan Ruak, Embassador Australia mai TL Miles Armitage no Komandante sira mak iha F-FDTL.
Major General Taur Matan Ruak ba jornalista, area infrasrtuktura ida ne’ebe krusial teb-tebes ba komando F-FDTL wainhira hasae numeru tropas nian.
Iha forsa armadas iha problemas barak liliu iha area infrastruktura no logistiku nian. Ho ajuda husi governu Australia ne’e importante tebtebes.
Iha programa lian Ingles ne’e importante, tanba aular ba kursu ne’e atu haluan, durante tinan 8 mai ne’e forsa barak mak aprende lian Ingles no soldadu barak sira mak hatene lian Ingles liu husi kursu lorloron. Forsa Australia husi DCP-EM misaun ketan huis ISF. DCP-EM ninia misaun hahu iha 2001 hodi tau matan ba manutensaun no hanorin lingua Ingles.
Taur aumenta, iha area logistiku ne’e mos importante ba forsa armadas hodi kontrola sasan mak forsa sira uza ba iha serimonia importante oioin. Nune’e mos hodi hakbi’it kontrolasaun ba manutensaun transporte presiza iha uma ba enjinaria sira.
“Ami iha kareta barak mak at atu hadia maibe fatin mak laiha entaun tenki ba fali offisina sira iha Dili laran. Nee gastu bo’ot liu. Ne’e duni ho loke tan uma enjinaria nian ne’e bele poupa no hein deit prepara diak ba mekanika sira,” dehan Taur.
Iha fatin hanesan Embassador Australia mai TL Miles Armitage hatete, instituisaun forsa importante tebes ba nasaun, ne’e duni estadu tenki fo atensaun nune’e hanesan Australia nafatin fo ajua ba F-FDTL.
“Ami iha programa barak hodi ajuda F-FDTL hodi sai forsa ne’ebe diak ba iha futuru,”nia komenta.
Discussion about this post