Radio, online – Partido historiku Frente Revolusionariu Timor Leste Independensia, FRETILIN halao Terseira Konfrensia Distrital Dili ho tema “Ita Fo Susesu Terseiru kongresu nasional hodi garante vitoria FRETILIN 2012. Kongresu nasional ne’e halao iha sede Comisaun Nasional Elesoen (CNE) Kaikoli Dili, Sabdu (16/7/).
Sekertariu Geral Partido FRETILIN Mari Alkatiri iha ninia intervensaun hateten katak, objetivu husi konfrensia ne’e hodi hili delegadu sira ba tuir kongresu nasional ba dala tolu.
Kongresu nasional ne’ebe sei halao iha fulan Setembru tinan ne’e. Iha okaziaun ne’e hili mos delegadu sira ba kandidatu CCF nian.
Alkatiri hatutan, oras ne’e dadaun, FRETILIN prepara an ba kongresu nasional hodi bele hametin liu tan konfiansa atu mana iha eleisaun jeral tinan 2012 ho tarjetu pursentu 60. Tamba ne’e Alkatiri husu ba delegadu liliu militantes tomak atu kontinua esforsu no servisu maka’as hodi aumenta numeru nebe mak iha.
Iha parte seluk Alkatiri mos dehan, FRETILIN laos partidu ba militante deit, maibe FRETILIN nudar partidu nebe militante fo vida no FRETILIN fo vida ba povo tomak. Liliu sidadaun Timor Leste tamba sira iha direito hanesan.
Alkatiri FRETILIN Mak Halo istroria ba libertasaun Da Patria
Iha okaziaun ne’e Akatiri ba militantes partido FRETILIN laos partido istoria deit maibe FRETILIN partido ida nebe liberta, halo ona istroriku, hakerek istroria ba libertasaun da partria ho ran no ruin .
Alkatiri afirma katak, FRETILIN partido ida ho militantes ho konsiente maibe partido ida atu servi povo tomak tanba ne’e FRETILIN laos deit ba militantes.
Nia hateten ba militantes sira hateten katak, eleisaun geral tinan 2012 partidu FRETILIN sei manan tanba ne’e husu ba militantes sira tenki servisu maka’as
Iha oportunidade ne’e mos Alkatiri informa kona ba Planu estrategiku dezenvolvimento nasional ,banhira planu ne’e mak ba oin planu refere sai fali planu estrategiku dedistrisaun nasional tanba ne’e planu refere la benefisiu ba povo timor leste no mos la iha kondisoes atu implementa.
Entertantu Presidente partido FRETILIN Fransisco Guterres Lu Olo iha ninia intervensaun hateten katak, FRETILIN mak luta no mate maibe mos FRETILINmak manan vitoria independensia nian mai iha timor leste.
Lu Olo hateten katak, iha tinan hirak nia laran governu AMP ukun maibe realidade sidauk bele resolve problema povo nia moris,intrastrutura,educasaun no Saude maibe sira hariku an deit.
Lu Olo husu ba militantes sira tenki fo kontribui ita nia partido laran nia laran ho valor nebe ita membru ida-idak lori atu nune;e bele eduka ita nia sosiedade no militantes iha ita nia partido laran.
Nia salienta liu tan katak,iha tinan 2012 sei manan maioria tanba ne’e husu ba militantes sira tenki servisu hamutuk iha nivel distritais no nivel nasional.tanba ne’e nia espera liu husi konfrensia ne’e bele sai susesu no hanoin ida atu nune’e bele hakat ba oin.
Discussion about this post