Radio, online – Chefe Estado Maior General Thailandia, Sonkiti Jaggabatara halao visita ofisial mai Timor Leste, hodi ko’opera ho F-FDTL. Area importante mak atu hametin iha area engenaria hodi tau matan ba ekipamentus F-FDTL nian diak liutan.
General Sonkiti Jaggabatara ho nia komitiva atu realiza ko’operasaun ne’e hodi hakat ba Quartel jeral F-FDTL Tasi- Tolu, Dili Kinta, (14/7).
Iha General Sonkiti Jaggabatara nia diskursu badak hatete, TL hanesan foun importante tebes atu ko’opera ho nasuan seluk hodi aumenta no hadia profesionalizmu no kapabilidade ba kontrolu nasaun ne’e.
“Ami orgulhu TL bele loke odamatan hodi ko’opera hamutuk iha area forsa ninian. Ami foin mak hahu halo relasaun ida ne’e. Ami iha firmeza sei ajuda TL hodi sai avansu liutan iha area engenaria ninian,”nia promete.
Ba jornalista Maior General Taur Matan Ruak, iha area hotu halo ko’operasaun ona, mais hare ba iha area engenaria nia ne’e mos importante tebes ba forsa armanda ho nune’e, komando foti opsaun halo esplora iha loron ikus halo koperasaun Militar ho Thailamdia.
General Sonkiti Jaggabatara iha tempo INTERFET mai ona iiha Timor Leste. Iha tempo neba General Sonkiti Jaggabatara hanesan Deputi Segundu Komadante INTERFET.
“Agora nia mai vizita TL hanesan ofisila forsa armada. Thailandia iha intereses atu ajuda TL. Laos deit iha area forsa nian, maibe liu husi Thailandia nia embaassada iha ne’e, ajuda ita barak ona,”Taur informa.
Taur hatutan, agora dadun Timor Leste halo ko’operasaun teknika militar ho nasaun 22 iha mundo. Tailhandia foin mak premeira vez halo ko’operasaun. Area komando foti mak iha area engenaria nian.
“Ita presiza mak treina ita nia forsa armada F-FDTL. Kapasita ita nia ema no forma ita nia ema atu Sai propfessional liu tan,” Taur espera.
Maior General Taur Matan Ruak apresia tebes ba partisipasaun forsa F-FDTL hanesan forsa Internasional mantein Paz iha mundo, iha nasaun Libanon.
Discussion about this post