Radio, online – Ministeriu Justisa (MJ) hamutuk ho Sekertariu Estado Promosaun Igualdade (SEPI) fo formasaun jestaun emosaun ba prizioneirus hamutuk 25 iha prizaun Becora, Dili durante semana rua.
Diretor Nasional Prizionais Reisersaun Sosial Elder Marsal Belo (8-7) iha prizaun Becora informa katak, formasaun jestaun emosaun ne’e ba prijoneirus sira bele iha koinesementu klean antes sira sai husi prizaun.
Formasaun ne’ebe prizioneiru hetan ne’e mak hanesan halo rotan ba kadeira, suru tais no jestaun emosaun. aktiviadade ne’e hanesan xafi importante atu fila husi prizaun, prizioneirus sira bele buka moris ho skill ne’be iha hodi hatutan moris.
Formasuan ne’e governu Timor leste mak hola inisiativa rasik. Iha fulan Agustus sei halalo formasaun hanesan ne’e ba prizioneirus feto sira iha prizaun Gleno Distritu Ermera .
Prizioneiru Guelhermino senti konteti tamba governu bele fo kapasaitasaun ba sira iha are oin-oin hodi halakon triste ba nia hahalok at ne’ebe mak prizioneiru sira halo iha pasadu.
Liu husi prinioneirus ne’e husu ba Juventude sira atu lalika halo violensia no husu ba grupo artemaisisa sira atu lalika rai odiu vigansa ba malu. Kria unidade atu Timor leste la lika moris iha nakukun laran hanesan prizioneiru sira iha prizaun
“Hau husu ba Juventude sira no grupo artemasiais sira atula lika hirus malu maibe tau liman ba malu hodi tan e’e Timor ba oin ,”Guilhermino apela.
Entertantu, iha prizaun Becora, prizioneiros sira hari Grupo banda Muzika ho naran Labadain katak lao dadaun ba dalan naroman. Grupo ne’e mak sempre anima prizioneirus sira iha aktiviadades hodi halo kontenti.
Iha tempo hanesan SEPI fahe sertifikado rua ba reprezentante prizioneirus nain rua tamba sira la hatene hakerek ho le’e. Maibe durante ba materia ne’ebe mak sira hetan husi formasaun ne’e. SEPI mos fahe MP3 25 ba prizioneiru sira.
Discussion about this post