Radio, online – Universidade Oriental Timor Leste (UNITAL), liu husi Klibur Estudante Fatuberliu (KEFA) husu ba governu hodi rezolve lalais problemas veteranus. Tanba la satisfas ho hahalok komisaun didikasaun eksklusivu ne’ebe foti dadus halo diskriminasaun bo’ot ba ema nia direito.
Kestaun ne’e hato’o husi Porta Voz KEFA Euklidis Torrezao liu husi konfrensia da emprensa iha edifisiu UNITAL Becora, Dili ,Kuarta (6/7/). Porta Voz ne’e haktuir, problema Veterannus iha Distrito Ainaro Sub-Distrito Fatuberliu, kria diskriminasaun bo’ot.
Diskriminasaun ne’e mak hanesan veteranus sira mak luta iha tinan barak, maibe ninia didikasaun hatun tiha fali. At liutan mak ema ne’ebe mak prezensa iha tinan ida ka rua nia laran komisaun aumenta ba tinan 10.
Alende ne’e mos komisaun halo knar ho intereses privadu hodi hare ba veteranus ne’ebe mak iha partido ba partenese komisaun sei hasae sira nia tinan luta nian. Tuir Euklidis, populasaun iha Sub-Distrito Fatu berliu sente triste banhira komisaun didikasaun exklusivo halao verifikasaun dadus.
Tanba ne’e, KEFA ejiji Sekretariu Estado Veteranus no Antigu Kompatentes presiza kria komisaun didikasaun Exklusivo tenki hare ema ne’ebe la halo diskriminasaun ba ema luta nain sira.Ejiji mos ba komisaun Sub-Distrito Fatuberliu tenki hola dadus lolos, laos halo diskriminasaun ba povo ki’ik hodi hamosu dezentendementu entre povo ho povo.
Iha parte seluk Fransisca Amaral hanesan Klibur Estudante Fatuberliu la satisfas banhira komisaun didikasaun Eksklusivo tun iha Sub-Distrito Fatuberliu atu hola dadus ba ema klandestina. Maibe to’o iha area ne’eba hamosu konflito entre juventude sira.
Fransisca rekomenda ba komisaun didikasaun eksklusiva foti dadus iha baze labele hasae no hatun klandestina sira nia tinan, tanba sira luta laos ba sira nia a’an deit maibe sira luta ba ukun rasik a’an .
“Hau husu ba governu hare ema ne’ebe iha tempo luta tama iha responsavel ba prosesu luta. Laos ema nunka involve hatama iha komisaun hodi halo konfuzaun,”nia apela.
Discussion about this post