Radio, online – Partido Asossiasaun Sosial Demokrata Timorense (ASDT) iha obrigasaun bo’ot hodi garante manan iha Elisaun 2012. Laos tanba ambisaun, maibe tanba obrigasaun, no direitu atu manan. ASDT hanesan partidu istoriku ne’ebe proklama independensia RDTL iha 1975.
Lia hirak ne’e hato’o husi Sekretariu Jeral ASDT, João Coreia, iha debate nakloke entre Partidu ASDT ho Jornalista, iha Salaun Fundasaun Oriente, iha Sesta, (24/06), ne’ebe organiza husi Centro Jornalista Investigativu Timor Leste (CJITL).
Tuir Sekjer ASDT ne’e, ASDT iha nia vizaun atu manan hanesan mos partidu sira seluk, tanba hetan osan, tanba realidde hatudu katak partidu ida manan hetan osan no partidu la manan tu’ur haree deit. ASDT tenki hakat liu ho prinsipiu opta meta politika (melampaui batas).
“Ida ne’e mak ASDT nia tarjeitu, tanba ASDT nia manan hanesan povu mak manan, maibe la promete, tanba politik koalia bosok mak barak,” Coreia konfesa.
Tuir Joao Coreia lansamentu bloku proklamador Francisco Xavier do Amaral, husi partidu lima, ASDT, PDC, Kota, Partidu Milenium (PL), no PDRT. Hanesan pasu premeiru ba Vitoria ASDT, maibe atu hetan feedback husi lansamentu ne’e, mak sei sai hanesan atividades susulan Comite Central Partidu ASDT nian, hodi tu’un ba baze, fanun militante sira.
Kandidatura prezidenti partidu ASDT, Francisco Xavier do Amaral, hanesan premeiru Presidenti ne’ebe proklama independensia RDTL unilateral iha tinan 1975. Hodi promete ukun ba povu, maibe depois liu tiha tinan barak nia laran, ida promete la kaer ukun no sira ne’ebe kontra mak kaer fali ukun. Ho kestaun ne’e ASDT iha responsabilidade urjensia hodi garante katak, partidu ASDT tenki manan iha Elisaun presidensial no lijislativu iha 2012.
Mekanismu preparasaun ba Vitoria ASDT sei uza sistema window to window (husi janela bajanela), katak konsolidasaun no sosializasaun to kedas iha area rural, suku no aldeia hotu, tanba knuuk ASDT laos iha Dili, maibe iha baze. Reafirma Coreia
Haktuir Coreia. Koordenador ekipa susesu ba kandidatura bloku proklamador, mak Sekretariu Jeral Partidu ASDT rasik (João Coreira), no koordenador ba ekipa susesu iha elisaun lijislativu mak Vise Presidenti Partidu ASDT, Arlindo Marcal.
Discussion about this post