Radio, online – Ministra Justisa Lucia Lobato husu ba governu atu iha diskusaun klean hodi kria lei espesifiku konaba atu hari relijiaun iha nasaun ne’e. Importante iha lei legal ne’e hodi kontrola relijiaun balu sira nia prezensa iha TL.
“Agora iha fenomena foun mak relijiaun barak mak tama iha ita nia rai. Ba oin sei mosu konflitu barak mak sei mosu, iha ita nia sosiedade nia le’et.
Atu prevene ba tensaun ne’e ita iha idea hamosu lei ida atu oinsa resolve kestaun no projeito lei kona ba oinsa atu regula lei relijiojus,” dehan Lucia wainhira loke seminar nasional ho tema “Existensia Relijiaun no Hametin Toleransia iha Timor Leste” iha salaun Sentro Formasaun Juridiku, Kaikoli Dili Segunda, (27/6/).
Lucia hatutan, prezensa relijiaun foun iha nasaun ne’e kuaze iha distritu hotu. Estado nia papel atu segura katak, sidadaun ida-idak iha direito fundamental ne’ebe estado tenki garante maibe husu parte ida governu tenki garante sekarik mosu relijaun barak tenki kontribui ba Paz no estabilidade iha sosiedade nia le’et.
Ho seminar ne’e Ministra Justisa espera bele hetan ideas balun husi oradores atu nune’e bele aprova lei kona ba lei atu nune’e bele regula relijiaun. Sorumutu ne’e importante atu eduka sidadaun hodi moris iha harmonia, paz no estabilidade.
“Hau sei lori kestaun importante husi seminar ne’e hodi hato’o iha reuniaun konselhu ministro konaba problemas relijiaun no iha ninia solusaun,” Lucia sujere.
Iha fatin hanesan Diretor Sosiedade Sivil BELUN, Luis Ximenes hateten, sorumutu ne’e elabora no analisa dadus sira ne’e hodi hatutan ba iha Parlamento Nasional nomos governu liu husi Ministra Justica. Iha seminar ne’e hodi buka ideia no buka solusaun hodi kria lei ba relijiaun nian.
“Ita presiza iha lei koanba relijiaun nian ne’ebe prezensa iha nasaun ne’e, atu nune’e wainhira mosu problemas ruma bazeia ba lei hodi rezolve,”dehan Luis.
Apresentasaun husi Igereja Asembleia De Deus Pendeta ,Maria Fatima hateten katak, hametin toleransia iha timor leste ida ne’e hahu kedas ona tinan ba tinan.
Maria Fatima haktuir, objetivo husi Igreja Asembleia De Deus ne’e atu haklaken evangelhu ba ema hot hotu tuir Nain Jesus Kristo nia orden tanab ne’e papel igreija importante atu promove domin harmonia, diak ho ema hotu, paz no unidade.
“Ami sira mak hola parte ba fiar nian iha nasuan ne’e laiha problemas. Hau husu ba estadu liu husi governu atu hare ba relijiaun sira nia legalidade prezensa iha nasuan ne’e, atu nune’e ba futuru la bele mosu konfuzaun iha povu nia le’et.
Discussion about this post