Radio, online – Farming Study Group (FSG) hanesan mos sosiedade sivil ne’ebe hare ba problemas agrikultura nian husu ba doadores sira lalika fo projetu narnaran ba sosiedade sivil sira mak laiha programa relevante ho situasuan povu nian.
Responsavel Jeral (FSG) Remigio Laka Vieira ba redasaun radio online iha Kolmera, Dili (27/6). Laka hatutan, kona ba situasaun ba programa sosiedade sivil sira iha Timor -Leste, tuir FSG sosiedade sivil sira lalika husu projetu tun sae se kuandu laiha programa profundu.
“Iha sosiedade sivil sira balu nia programa la koresponde ba povu nia harak. Hakarak deit hetan osan mais relatoriu ba doador narnaran deit,”Laka lamenta.
Laka husu ba sosiedade sivil sira ne’ebe agora hetan fundus ne’e, presija hatene-an oinsa ididak nia funsaun ligadu ba objetivu geral ne’ebe iha.
“Sosiedade sivil balu laiha programa, hetan tiha fundus uza ba deit sira nia-an. doadores presiza kuidadu hodi fahe osan sosiedade sira sira ne’ebe la fokus,”Laka apela.
Laka mos prekupa tebes ba sosiedade sivil sira hanesan ne’e, sei fo imajen ladiak sosiedade sivil sira seluk ne’ebe iha programa ne’ebe atu hetan fiar husi doadores sira seluk. Agora dadaun mos sosiedade sivil sira ne’ebe hetan projetu husi doadores mos hetan subsidiu husi governu.
“Ohin ita lahatene no kria problema iha komunidade nia le’et. Entaun doadores sira tenki kuidadu hodi halao funding ho lolos,”Laka esplika.
Foin lalais ne’e AUSAID ne’ebé reprezenta Governu Australia iha Timor Leste, liu hosi Programa ETCAS (Australia nia Programa Asistensia iha Timor Leste) fo ajuda orsamentu Dollar Australia 523.243,00, ba NGO Nasional no Internasional 25, iha Timor Leste.
Direitur Fundasaun Amor, Carlos Nunu reprezenta NGO 25, ne’ebe simu programa ETCAS hateten, NGO Fundasaun Amor, simu fundus ne’e, dala ne’en ona, ho total orsamentu hamutuk Dolares Rihun Atus Ida Resin ($.100.000+), hodi uza ba programa rehabilitasaun no konstrusaun foun ba uma eskola iha Distritu Lautem, hadia sintina, kanalizasaun bee, no dapur hodi tein hahan merenda eskolar ba alunu sira.
“Ita nia oan barak tenki lao sae foho no tu’un foho mak foin to’o iha fatin eskola. Kondisaun ne’e impaktu teb-tebes ba alunu sira hodi labele partisipa diak prosesu aprendisazem,”dehan Carlos
Discussion about this post