Radio, online – Calisto da Costa unidade Task Force ho diviza ajente Xefi foti instituisaun PNTL nia naran liu husi iha eventu internasional Dili Maratona ho distansia 7 km, sai hanesan terseiru lugar. iha kampuin ne’e Calisto hetan $ 1500,00.
Eventu Internasional Dili maratona ne’ebe realiza iha loron sabado, (18/6). Hahu husi palacio Prezidenti nia oin, no finish iha palacio governu nia oin. Serimonia entrega premiu ho osan ne’e halao iha PM Xanana nia Palacio.
“Hau hetan terseiro lugar ne’e hau senti triste, tamba tempo mak limitado. Hau husu ba governu atu ba oin bele fo treino ba ami, atu iha future bele hetan primeiro lugar hodi hamorin Timor nia naran,”dehan Calisto ho hamnasa.
Tuir ajente Xefi ne’e, Timor ona iha Duni talenta maibe falta de fasilidade ba atleta sira no tempo hodi treinu. Iha oportunidade ne’e membru task force ne’e husu ba Juventude sira nebe iha talentu liu-liu iha Atletismu bele treino diak liutan atu ita bele lori Timor nia naran iha futuru.
“hau treinu durantye loron hitu nolu ne’ebe hetan lisensa husi Komando PNTL. Husu fo parabes ba Prezidenti Republika loke oprtunidade ba Timor ona sira nebe iha talent,”dehan aman husi oan rua ne’e.
Lakoi lakon ho mane, Juventina Napoleaon hanesan estudante iha sekundaria Coni Santana, Distritu Lautem mos sai premeiru lugar iha area sexo feto nian. Iha maratona full mos senti konteti maibe mos triste tamba fatin treino no fasilidade hanesan estaminia ba sira la sufisiente .
“Hau senti konteti maibe mos hau triste tamba ne’e sebele karik ba oin governu bele prepara estamina diak ba atletismo sira, “ husu Juventina.
Prezidenti Federasaun Timor Atletismo hateten , evento ne’e hanesan Timor halo komparasaun ba rai liur. Tamba ne’e husu ba sekretario estado desporto atu fo supora ba atletismo, tamba atleta Timor oan pronto nafatin tuir eventu iha rai liur no iha rai laran .
“ Hau senti kontenti tamba liu husi eventu ida ne’e ita bele halo komparasaun katak Timor on mos bele,” nia hatete ho esperansa.
Discussion about this post