Radio, online – Familia arguido Menu Melo konsedera polisia investigasaun ne’ebe halo kapturasaun ba nian oan hanesan naokten. Kapturasaun ne’e sae husi moru mak tama ba uma.
Ho atetude at husi membru polisia balu husi unidade investigasaun ne’e Menu ba kesar iha Parlamentu Nasional, iha Sesta (10/6) foin lalais ne’e.
Iha uma fukun povu nian ne’e, Menu hakat liu ba bankada Fretilin hanesan opozisaun ne’ebe hodi halo keisa. Menu dehan ba jornalista katak, mai iha Uma fukun ne’e, tamba polisia laiha kredibilidade hodio ba kaptura ema, maibe hanesan amiansa fali iha tempo madrugada.
Menu rekoinese sekarik sira nia oan halo problema ruma, polisia tenke iha karta notifikasaun husi tribunal ba suspeito mak foin polisia kaer karta ne’e halo kapturasaun, maibe karta notifikasaun laiha.
“Ami tristi nafatin ho profesional ita nia pesoal polisia. Iha oknum polisia balu mak halo knar ho odiu malu mak halo kapturasaun. Ita nia polisia ne’e kasar laos keras,”
Menu hanesan aman husi arguido Carmo Adriano hateten liutan, katak hau nia ona sala saida mos hau lahatene. Membru polisia mos to’o iha hau nia uma liu husi rede moru nian laiha karta notifikasaun maibe direitamente hasai pistol hodi ameasa.
Xefi suku Bairo Pite Joao Baptista Belo konsedera atuasaun oknum membru polisia husi investigasuan ne’e hanesan krimi, tanba lori pistola ameasa ema, sae husi moru mak tama ba uma no lori Xanana nia naran amesa povu. “Oknum polisia ne’e hau sei ba keisa iha Komando PNTL, tanba hahalok ne’e halo foer PNTL nia naran,’dehan Belo.
Deputada Bankada Fretilin Cipriana da Costa Pereirra husu ba PDHJ atu investiga tuir kazu ne’e, tamba membru polisia nia atetudi la tuir lei no vioala direitus humanus. “PDHJ tenki halo investigasaun ba membro polisia sira ne’e . Kuandu polisia mak halo hahalok hanesan ne’e iha interese privado mak mosu,”dehan Cipriana.
Discussion about this post