Radio, online – Programa edukasaun naun formal ne’ebe kopera entre estadu Timor leste ho estadu Cubano konesege hasai katus ferik no joven sira husi analfabetismu.
Distritu Manatuto, Lautem no Manufahi mak sai target ba programa ne’e. total husi ferik katuas sira mak hetan susesu iha programa ne’e hamutuk 7.801, husi 7.821. Iha mos alezadu nain 20.
Partisipa enseramentu ba programa naun formal partisipa dereitamente husi Prezidenti Republika Jose Ramos Horta, iha loron Sabadu, (4/6) iha Distritu Manatuto.
Liu husi Diskursu PR Horta hatate, ferik, katuas no jovens sira husi distritu 3 nee ne’ebe mak uluk la tur iha banku eskola iha formal, agora bele le’e ona. Tuir Horta ne’e estadu nia programa integradu ho edukasaun atu hasai povu husi analfetizasaun.
“Manatuto Lautem no Manufahi livre ona husi programa Analfabetismu maibe husu ba katuas no ferik sira atu bele le’e nafatin iha uma hodi la lalika haluha maske ita iha prekupasaun barak,”Horta apela.
Atanasio da Costa (75) nudar partisipantes analfabetismo iha nia demostrasaun hodi dekor ABC no le’e lia fuan ne’ebe mak hakarek iha kuadru. Maske katuas ne’e le’e ho soe letra maibe komesa avansa ona. Atanasio ho esplika badak hatete nia hahu husi tempo Portugues nia tempo la eskola nunka koinese letra. Ho programa estadu iha ukun-an nia bele hatene le’e ona.
“Hau fo obrigadu ba ukun-nain sira mak hanoin ami katuas sira, tanba ami eskola ho gratuita. Hau husu estadu programa ne’e tenki realiza ba distritu hotu atu povu hotu bele le ‘e no hakerek,”dehan Atanasio ho laran kontente.
Iha okaziaun ne’e Prezidenti Parlamentu Nasional Fernando Lasama de Araujo hateten, Parlamentu Nasional sei aloka osan barak iha area Educasaun atu tinan lima mai tan povu Timor leste bele hatene ona le’e no hakerek. Ba tinan ne’e no Parlametu sei kria lei ida ba inan aman sira nebe kesi nia oan sira atu la asesu iha area edukasaun, estadu sei fo kastigu inan aman ne’e halo hahalok ne’e.
Entertantu tema jeral ba serimonia ne’e mak “Alfabetizasaun do povo para konsolidasaun da independensia declarasaun livre da analfabetismo”. Partisipa serimonia ne’e ministru Edukasaun, Embixador Cuba mai TL, Embaixador Australia mai TL, Embaixadora Estadu Unidas da America mai TL no konvidadus husi analfabetismo Distritu tolu.
Discussion about this post